關於我們

由吹水到成真，清酒郎嘅誕生由幾個老友當日坐埋一齊、拎住個「國際唎酒師」、「國際酒匠」牌就吹水話要開網店，到依家網站正式面世、心水靚酒全線登陸！

我地嘅堅持就係好酒，唔應該有距離感，開咗舖，我哋當日嘅初心同口號完全冇變過：

- 超抵玩零負擔

好酒唔應該係「奢侈品」。我哋用最貼地、最抵嘅大眾化價錢，希望大家無論係星期五收工想鬆一鬆，定係週末同屋企人食飯，都可以隨手開到支高質清酒。

- 唎酒師私藏清單

市面酒款咁多，點揀？交畀我哋！舖頭入面每一支酒，都係由我哋幾位親自試飲同推介。由我地簡單介紹，你就知支酒咩味同啱配咩食。由變化多端嘅純米酒，到香氣層次豐富嘅大吟釀，總有一支啱你心水。

- 真心推介絕不濫竽充數

雖然依家係做生意，但「賣唔晒就自己飲」嘅浪漫依然存在——因為我哋賣嘅，全部都係我哋自己真心鍾意、甚至私底下飲到唔捨得放手嘅好嘢！

為你嘅每一場飯局升級網店已經正式行運，精選靚酒已經全面上架！今晚食刺身、燒烤定係打邊爐？上嚟清酒郎揀支啱 feel 嘅清酒，為今晚嘅飯局升級！

多謝大家一路以來嘅支持同期待。新店開張，優惠陸續有嚟，各位酒友，今晚記得開支靚酒，同我哋一齊飲杯！